Oleh : AFRI MELDAM

Katiko ndak punyo pacar, iko statusnyo di fesbuk: “Apa pula gunanya ikut-ikutan merayakan hari Valentine itu tu. Indak budaya kita itu doh. Itu budaya asing yang akan merusak generasi pelanjut bangsa kita saja itu nya” Nyo kutip pulo ayat-ayat stek, nan nyo dapek antah di akun ma, nan nyo surang sabananyo ndak mangarati mukasuiknyo. Tu nyo tambah jo #sayNoToValentine #mahasiswaAntiValentine #NoValentineNoHoax #FokusBelajarNoPacaran

Katiko punyo pacar, di fesbuk nyo tulih gadang-gadang mode ko: “Selamat hari Valentine ya imut aku cayang aku” lengkap jo emoticon lope-lope jo stiker bungo-bungo. Nyo tag pulo akun pacarnyo, si Irna.

Si Irna (nan tiok minik karajonyo memang mambuka fesbuk) langsuang marespon di kolom komentar, sasudah maagiah tando lope di status tu. Iko nan nyo tulih: “Maacih calon imam kesayangan. Bang Iwan is Valentin gift Irna…”

Dak sampai duo minik, Iwan pun mambaleh komentar pacarnyo: “Abang kasih hadiah, ada mau Irna?”

Baca juga :  Irna Curhat

“Apa tuh kira-kira? Berdegub2 jantung Irna jadinya ini ha…” baleh si Irna pulo.

“Tersirap darah adek ya? Hmm..Ada lah. Kalau dikatakan sekarang tu ndak serprais namanya lagi…” Iwan ko yo pandai bana.

“Irna turut saja abang ke Air Tawar tu jo travel Sitangkai baa agaknya ya? Ke taplau kita beli kerambil muda?”

“Ada dibolehin dek Apa nanti tu?”

Mandapek pertanyaan mode tu, Irna ndak ado manjawek lai di kolom komentar fesbuk. Nyo telfon babang Iwannyo langsuang. (Isinyo bisuak se lah kito caritoan) 😋😋