Oleh : AFRI MELDAM

Irna manalepon Iwan bajam-bajam. Nyo caritoan sagalo nan taraso di hatinyo ka babangnyo tu. Kebetulan Iwan sadang di kosnyo, mangalai-ngalai sudah makan supermi abuih duo bungkuih.

“Apa ndak setuju Irna ambiak kedokteran doh, Bang…” keceknyo mode rang marengek.

“Baa tu?”

“Ntah, dek kapatang pas PMDK Irna ndak lulus, kecek Apa cubo se jurusan lain lai…Tapi kan abang tau Irna ketuju benar jadi dokter tu…”

“Iya, mungkin Apa tau otak Irna ndak akan kuat kuliah di sana nantik…” talompek muluik Iwan snek.

“Apa pula maksud Abang tu? Jahat abang sama Irna ya…” Irna siap-siap mengambab.

“Eee maksud Abang mungkin Apa tau Irna kurang suai kuliah di sinan…”

“Maksud Abang Irna ndak cadiak, gitu? Bersemak otak Irna, gitu ya?” Tabik lo berang si Irna mandanga babangnyo nan ndak bapihak ka nyo tu.

“Idak, dek. Ndeh dedek swit ferimach abang nih siapa pula yang meragukan. Maksud abang, bisa jadi kuliah di sinan ndak sasero nan Irna bayangkan…”

Baca juga :  Iwan Sakik Paruik

“Iya tapi Irna suka benar hal-hal terkait ke sehatan tu…Iya benarlah Irna ndak pintar, tapi Irna liat banyak pula kawan-kawan nan biasa-biasa saja otaknya bisa kuliah di kedokteran. ” Batua juo, waktu pawai 17 Agustus, Irna ko pernah makai kostum dokter samo jo si Lis. Si Lis ko akhirnya bisa kuliah di sinan kini. Kebetulan mamaknyo dosen.

“Keperawatan baa nyo dek?” Usul Iwan.

“Lah sahampuh urang kuliah di sinan kecek Apa…”

“Kebidanan?”

“Sama saja itu nya…”

“Jadi Apa nianya Irna kuliah di mana?”

“Ntah. Apa tu mode tu. Sudah nyo larang Irna kuliah di kedokteran, sudah tu ndak pula dikecekannya Irna bagusnya kuliah di mana dek Abang…keceknya, ‘kau pikia se lau surang. Kau nan ka kuliah mah…'”

“Kok sajurusan se wak baa nyo, dek?” Iwan ko kuliah di Jurusan Pendidikan Bahasa Inggris.

“Ndak buliah pulo dek Apa doh bang.”

“Baa tu?” Bakaruik kaniang Iwan.

“Kecek Apa, abang ndak pandai bahaso Inggris doh…”

Baca juga :  Taimpik Nak di Ateh , Takuruang Nak di….?

“Eee kanai puncak kada abang rasanya, dek…”

“Kan benar itu. Abang se nulis status baso Inggris cuma bisa ‘otewe’ jo ‘hbd’ se nyo. Baa pula urang percaya abang bisa mengecat…”

“Talking to your father that, I this can speak English like car run in bypass Ketaping.” Dek paneh, dibaelah dek Iwan mangecek baso Inggirih versi sakalamak paruiknyo.

“Apa artinya tu, bang?” Irna lah kagum pulo mandanganyo.

“Where I know? Askinglah to father Irna that…” marajuak si Iwan.

“Eee tambah paniang kapalo Irna ha…”

“Hot my heart this…” tambah Iwan pulo.

“Abang ko e…” Ndak tahan, nyo bantiang hape dek Irna. Untuang tibonyo di kasua. Kok ndak lah badarai hape Cino tu…